നാടിന്റെ മണം…!

ഉച്ച ഭക്ഷണവും കഴിഞ്ഞ്‌, ഒരു കൈ മൗസിലും, തുറന്ന്‌ പിടിച്ച കണ്ണുകള്‍ മോണിറ്ററിലും എയിം ചെയ്ത്‌ ഞാന്‍ ഉറങ്ങുകയാണ്‌. ജോലി ഒന്നും പ്രത്യേകിച്ച്‌ ചെയ്യാന്‍ ഇല്ലാത്തതിനാലും, ഇ-മെയില്‍സ്‌ ഒക്കെ ചെക്ക്‌ ചെയ്ത്‌ കഴിഞ്ഞതിനാലും, ഉറക്കം എന്തുകൊണ്ടും സ്വാഭാവികം മാത്രം.പാതി മയക്കത്തില്‍ റ്റെന്‍ഷന്‍ അടിച്ചുകൊണ്ടുള്ള ഈ ഇരുപ്പ്‌ പക്ഷെ, പണ്ട്‌ ഞാന്‍ ഏഴാം തരത്തില്‍ പരീക്ഷയെഴുതുമ്പോള്‍, ഡെസ്ക്കില്‍ എഴുതിയിട്ട ഉത്തരങ്ങള്‍ തെരഞ്ഞു കണ്ടുപിടിക്കാന്‍ അനുഭവിച്ചതിലും ഭയാനകം.

ഇവിടെ ഈ ഹൈടെക്‌ നഗരത്തില്‍ ജീവിതം എനിക്ക്‌ മടുത്തു. പൊട്ടന്‍ കടിച്ച പട്ടി കണക്കെയാണ്‌ ഇവിടെ എല്ലാവരും. എന്തിനോ വേണ്ടി പരക്കം പായുന്നു… ഓടുന്നു, ചാടുന്നു, മലക്കം മറിയുന്നു എന്നിട്ടവസാനം ഇടിഞ്ഞു പൊളിഞ്ഞു വീഴുന്നു.. എന്നിട്ടോ? പിന്നെയും എണീറ്റ്‌ ഓടാന്‍ തുടങ്ങുന്നു.

പൊടി കലക്കിയ കാടിവെള്ളം പോലത്തെ ചായയും, വെയിലത്തുണക്കിയ, പാള പോലുള്ള റൊട്ടിയും തിന്ന്‌ എന്റെ നല്ലവനായ ശരീരം നന്നായി പുഷ്ടിപ്പെ്പ്പട്ടു. പുറത്തേക്ക്‌ തുറിച്ച്‌ ചാടുന്ന എന്റെ സ്വന്തം കുടവയറിനെ നോക്കി ഞാന്‍ തന്നെ സഹതപ്പിക്കും… എന്റെ ജോലി എനിക്ക്‌ തരുന്ന സമ്മാനമാണ്‌ എന്റെയീ കുടവയര്‍!.
നാട്ടിലായിരുന്നെങ്കില്‍…

ഇപ്പൊ നാട്ടില്‍ നല്ല മഴക്കാലം. ദേഹത്ത്‌ വീണാല്‍ വേദനിക്കുന്ന തരത്തില്‍ ഉള്ള മഴ. സദാ സമയവും ഇരുട്ട്‌ മൂടി, ഒലിച്ചിറങ്ങുന്ന വെള്ളച്ചാലുമളുമായി എന്റെ വീട്ടുവളപ്പും, വഴികളും. റൊഡറികിലെ ചുവന്ന നിറമുള്ള ചെളിക്കുണ്ടുകളില്‍ നിന്നും, ഈര്‍ക്കിലിക്കെണിയുമായി തവളയെ പിടിക്കാന്‍ പോകാറുള്ളത്‌ ഒര്‍മ്മവന്നു പോകുന്നു…

പൊരിഞ്ഞ മഴയത്ത്‌ അമ്പലത്തിനടുത്തുള്ള വലിയ സ്റ്റേജില്‍ കൂട്ടികാര്‍ക്കൊപ്പം നാട്ടു നടപ്പുകളും, സിനിമാക്കഥകളും അടിച്ചു വിട്ടിരുന്നതും, മഴയത്ത്‌ അമ്പലക്കുളത്തില്‍ മുങ്ങാംകുഴിയിട്ട്‌ കുളിച്ച്‌ തിമിര്‍ത്തതും, പാടത്തിനടുത്തുള്ള കനാലില്‍ ചൂണ്ടയിടന്‍ പോകുന്നതും ഓര്‍ക്കുമ്പൊ എന്റെ ഇന്നത്തെയീ ജീവിതത്തിനൊടുള്ള എന്റെ ദേഷ്യം കൂടിക്കൊണ്ടിരുന്നു.

ഇന്നുകൂടി അമ്മ വിളിച്ചപ്പൊ പറഞ്ഞു, “ഓ, ഇവിടെ നല്ല മഴയാ ഡാ. പുറത്തിറങ്ങാന്‍ പോലും പറ്റുന്നില്ല. നശിച്ച മഴയാ..”. പാവം അമ്മക്കറിയില്ലാലൊ, മകന്‍ മഴയെ ഇപ്പൊ ഭയങ്കരമായി പ്രേമിച്ചു തുടങ്ങി എന്ന്‌.

നാട്ടിലാണെങ്കി, ഞാന്‍ ഇപ്പൊ എന്റെ മുറിയില്‍ പുതച്ച്‌ മൂടി ഉറങ്ങുന്നുണ്ടാവും. പുറത്തെ ഇടിവെട്ടും, മഴയും ഒപ്പം ‘ീ‍ ആയി കിട്ടുന്ന കുളിരും ആസ്വദിച്ച്‌ ഇരുണ്ട ആ മുറിയില്‍ എന്റെ സ്വപ്നങ്ങളെയും കെട്ടിപ്പ്പ്പിടിച്ച്‌ അങ്ങനെ ഉറങ്ങുന്നുണ്ടാവും.. ആപ്പൊ, അമ്മ വന്നു എന്നൊട്‌ പറയും, “ഹെയ്‌ മാന്‍, അര്‍ യു സ്ലീപിംഗ്‌ ഹഹ്‌?”. പക്ഷെ, അമ്മ എന്നോട്‌ ഇംഗ്ലീഷില്‍ സംസാരിക്കില്ലല്ലൊ… പിന്നെ ഇതാരാ…

“എയ്‌ മാന്‍, വേക്‌ അപ്‌.. വേക്‌ അപ്‌..” ഞാന്‍ ഞെട്ടി ഉണര്‍ന്നു. എന്റെ ഒരു കൈ ഇപ്പൊ മൗസില്‍ ഇല്ല. എന്റെ മുമ്പില്‍ നില്‍ക്കുന്നു എന്റെ പ്രോജക്ട്‌ മാനേജര്‍!!!

പറയാതെ വന്ന ഉറക്കത്തിനെയാണൊ, സ്വപ്നത്തിനെയാണൊ, അതൊ മാനേജറെയാണൊ ഉള്ളില്‍ തെറിപറയേണ്ടത്‌ എന്ന്‌ ഞാന്‍ അലോചിച്ചു…എനിക്കപ്പൊ ഒരു പാട്ട്‌ പാടാന്‍ തോന്നി..
“പൂമാനമേ.. ഒരു രാഗമേഘം താ….”

Advertisements

One comment on “നാടിന്റെ മണം…!

  1. Dantis പറയുക:

    നാട്ടില്‍ നിന്ന് മാറി നില്‍ക്കുമ്പോഴാണ് നാട്ടിലെ മഴയുടെ സുഖമറിയുന്നത്.

ഒരു മറുപടി കൊടുക്കുക

Fill in your details below or click an icon to log in:

WordPress.com Logo

You are commenting using your WordPress.com account. Log Out / മാറ്റുക )

Twitter picture

You are commenting using your Twitter account. Log Out / മാറ്റുക )

Facebook photo

You are commenting using your Facebook account. Log Out / മാറ്റുക )

Google+ photo

You are commenting using your Google+ account. Log Out / മാറ്റുക )