പുഴുത്തമാംസത്തില് ലഹരിനിറക്കുന്ന
പുതിയരീതികള് ഞാന് കണ്ടു.
തണുത്തമുറികളില് വിയര്ത്തുവിറക്കുന്നകമ്പ്യൂട്ടറില്
പരലോകം കണ്ട മിത്രങ്ങളെക്കണ്ടു.
ഞാന് പകച്ചുപോയി!
കഴിയാത്തകാശിന്റെ കണക്കുനോക്കുന്നവരെയും,
അതിലെ തെറ്റുതിരുത്താന് കാശുവാങ്ങുന്നവരെയും കണ്ടു.
വെയിലില് മനുഷ്യനും, മഴയിലും കാറ്റിലും ദൈവങ്ങളും,
തള്ളിയിട്ടു മരണം മണത്ത മരങ്ങളെക്കണ്ടു.
ചവറുകൂനക്കുമുകളില് വയറുവേദനമറ്റാന്-
കൊതിച്ചെന്നെനോക്കിയൊരവളെയും കണ്ടു ഞാന്
പകച്ചുപോയി!
പ്രണയം കണ്ടു ഞാന്, പ്രളയവും കണ്ടു.
വെണ്ണീറായൊരെന് കണ്ണീരു കണ്ടു.
താളം പിടിക്കാതെപെയ്യുന്നമഴയില്,
ഓളമായ്പോയൊരെന് നൊമ്പരം കണ്ടു…
ഇനിയും…
തിരികേവരാത്തൊരെന് ജീവിതം കണ്ടു ഞാന്…
പകച്ചുപോയ്!
